Cúrsa Gaeilge 2 (Cúpla Focal)
Dóibh siúd a bhfuil taithí áirithe acu ag foghlaim na teanga ach ar mhaith leo cur lena dtuiscint ar na bunchéimeanna.
Féilire
Bhí cúrsaí ar líne an tsamhraidh ar siúl ó 24 Bealtaine–7 Lúnasa 2020. Tá muid fíorbhuíoch den 400+ duine a bhí rannpháirteach. Tá súil againn tuilleadh cúrsaí a chur ar fáil sa gheimhreadh—beidh eolas anseo i mí Mheán Fómhair.
Cuirfidh tú leis an Ghaeilge atá agat cheana féin agus beidh níos mó ná an cúpla focal agat faoi dheireadh an chúrsa seo. Beidh tú ag labhairt faoi do chuid caitheamh aimsire, do shaol laethúil, na rudaí a thaitníonn agus nach dtaitníonn leat, nó ábhair eile mar iad. Cuirfidh tú eolas níos fearr ar bhriathra na Gaeilge agus beidh tú in ann níos mó abairtí a chumadh tú féin. Bainfear úsáid áirithe as na haonaid dheireanacha inár gcúrsa teanga ilmheán Enjoy Irish! sna ranganna seo agus cuirfear ábhar foghlama agus ábhar fuaime ar fáil do na rannpháirtithe roimh gach rang. Beidh neart deiseanna agat an méid a fhoghlaimeoidh tú a chleachtadh i dtimpeallacht a bheidh struchtúrtha agus taitneamhach. Tiocfaidh athrú ar na topaicí a phléitear ó sheachtain go seachtain, taobh istigh d’aon tréimhse cúig seachtaine, ar mhaithe leo siúd ar mian leo roinnt cúrsaí a dhéanamh ag an leibhéal seo.
