Ióga (Satharn)

Cleachtadh don chorp, don anam agus don teanga! Cúrsa dátheangach Ióga do thosaitheoirí agus feabhsaitheoirí.

Féilire

Teideal Praghas
Dé Sathairn, 22 Bealtaine 2021 – Dé Sathairn, 10 Iúil 2021
Ióga (Dé Sathairn) — 3.00–4.00pm €100 Cláraigh »

Tá an rang seo oiriúnach do thosaitheoirí chomh maith le daoine a chleachtann Ióga anois is arís ach ar mhaith leo tuilleadh scileanna a fhoghlaim. Cuirfear an cúrsa ar fáil trí Ghaeilge an oiread agus is féidir ach déanfar freastal ar na leibhéil chumais éagsúla a bheidh sa rang. Deis iontach atá ann do chuid Gaeilge a úsáid i dtimpeallacht shuaimhneach chairdiúil. Is cinnte go bhfoghlaimeoidh tú roinnt téarmaí úra maidir le cleachtadh an Ióga!

Amchlár

Freastalóidh rannpháirtithe an chúrsa seo ar rang uair sa tseachtain, 7.00–8.00pm (am na hÉireann), oíche Déardaoin nó 3.00–4.00pm (am na hÉireann) ar an Satharn. Tá cúrsa an tSathairn á chur ar fáil ach éileamh a bheith air. Ní mór an lá ar a bhfreastalóidh tú ar an chúrsa a roghnú (ach í a bheith ar fáil) agus tú ag clárú. Beidh ocht rang beo ar líne sa chúrsa ag tosú an tseachtain dar tús an 17 Bealtaine 2021. Ní bheidh aon bhriseadh lár téarma ann an uair seo.

Múinteoir

Is múinteoir Ióga é Séamus Byrne a rugadh agus a tógadh i gContae na Mí. Tá sé ag cleachtadh an Ióga ar feadh a shaoil mar dhuine fásta agus rinne sé staidéar ar an Ióga in Goa san Ind sa bhliain 2014. Múineann sé ranganna Ióga ar Zoom as Béarla agus as Gaeilge faoi láthair. Tá tuilleadh eolais ar a leathanach Facebook Ashtanga Yoga Kells.

An bhfuil ceisteanna agat faoinár gcuid cúrsaí ar líne? Fiosrach faoi chanúintí nó líon na ndaoine a bheidh sa rang? An fiú an cúrsa céanna a dhéanamh níos mó ná uair amháin? Tá freagraí le fáil ag an nasc thíos!

Breis eolais »
Oideas Gael

Ár leithscéal

Níl an suíomh seo comhoiriúnach leis an mbrabhsálaí gréasáin Microsoft Internet Explorer. Bain úsáid as Chrome, Edge, Firefox, Opera, nó brabhsálaí nua-aimseartha eile chun teacht ar ábhar an tsuímh.

Déan teagmháil linn ag oifig@oideasgael.ie sa chás go mbíonn aon cheist agat.