Amhránaíocht

Cuir eolas ar chuid d'amhráin thraidisiúnta Thír Chonaill sa chúrsa spreagúil taitneamhach seo.

Féilire

Bhí cúrsaí ar líne an tsamhraidh ar siúl ó 24 Bealtaine–7 Lúnasa 2020. Tá muid fíorbhuíoch den 400+ duine a bhí rannpháirteach. Tá súil againn tuilleadh cúrsaí a chur ar fáil sa gheimhreadh—beidh eolas anseo i mí Mheán Fómhair.

Cuirfidh tú le do stór amhrán sa chúrsa ar líne seo a dhíríonn ar shaibhreas amhránaíochta Thír Chonaill. Tá an cúrsa seo fóirsteanach do dhaoine fásta a bhfuil suim acu in amhráin thraidisiúnta na hÉireann, is cuma más tosaitheoir thú nó duine a bhíonn ag ceol go rialta. Is í an t-amhránaí Ellie Nic Fhionnghaile a bheidh ag múineadh.

Gheobhaidh tú míniú ar chúlra na n-amhrán, tuiscint ar na focail agus go leor deiseanna le bheith ag canadh i dtimpeallacht spreagúil phléisiúrtha. Beidh rannpháirtithe an chúrsa ábalta freastal ar ranganna beo ar líne 7.00–8.00pm, Luan–Aoine, sa bhreis ar sheisiún fáiltithe gairid tráthnóna Domhnaigh. Beidh roinnt deiseanna ann chun teacht le chéile ar líne go sóisialta taobh amuigh de na ranganna fosta. Cuirfear na ranganna ar fáil trí chóras Zoom. Beidh na ranganna ar siúl trí mheán na Gaeilge: ní gá do na rannpháirtithe a bheith líofa ach moltar do dhaoine a bhfuil meánleibhéal Gaeilge nó níos airde acu an cúrsa a dhéanamh.

Múinteoir

Is amhránaí agus fidléir í Ellie Nic Fhionnghaile a rugadh agus a tógadh i nGleann Cholm Cille, Co. Dhún na nGall. Tá sí ina hamhránaí leis na grúpaí ceoil Anúna agus Systir. Tá céim sa Cheol Feidhmeach aici ó Institiúid Teicneolaíochta Dhún Dealgan agus tá taighde ar siúl aici maidir leis na mná i gceol traidisiúnta na hÉireann.

An bhfuil ceisteanna agat faoinár gcuid cúrsaí ar líne? Fiosrach faoi chanúintí nó líon na ndaoine a bheidh sa rang? Tá freagraí le fáil ag an nasc thíos!

Breis eolais »
Oideas Gael

Ár leithscéal

Níl an suíomh seo comhoiriúnach leis an mbrabhsálaí gréasáin Microsoft Internet Explorer. Bain úsáid as Chrome, Edge, Firefox, Opera, nó brabhsálaí nua-aimseartha eile chun teacht ar ábhar an tsuímh.

Déan teagmháil linn ag oifig@oideasgael.ie sa chás go mbíonn aon cheist agat.